Rusiyanın xarici işlər naziri Sergey Lavrov ABŞ prezidenti Donald Trampın Aİ ölkələrinin böyük təzyiqi altında olduğunu bildirib.

Qaziler.az-ın məlumatına görə, onun sözləri Rusiya Xarici İşlər Nazirliyinin saytında yer alıb.

"O, Avropa İttifaqının və hazırkı NATO rəhbərliyinin böyük təzyiqi altındadır və bu, Zelenskinin müasir silahlarla təchiz edilməsini davam etdirmək tələblərini təntənəli şəkildə dəstəkləyir", - Lavrov deyib.

Nazir xatırladıb ki, Ukrayna üçün silahlar Qərbin vergi ödəyiciləri hesabına alınır.

Lavrov əlavə edib ki, Moskva Ukraynadakı münaqişənin həlli üçün Rusiyaya 50 gün vaxt verən ABŞ prezidenti Donald Trampın bəyanatının arxasında nə olduğunu anlamaq istəyir.

QAZİLER.AZ