İyulun 2-də Kremlin sözçüsü Dmitri Peskov Bakıda İrandan narkotik alverinin təşkilində və kiber fırıldaqçılıqda ittiham olunan rusların həbsi ilə bağlı vəziyyətə cavab verib və deyib ki, Moskva hadisələrin gedişatını diqqətlə izləyir və öz vətəndaşlarının qanuni maraqlarını qorumaq niyyətindədir.

Qaziler.az bildirir ki, bu barədə izvestiya.ru məlumat yayıb.

"Həqiqətən, biz bütün videogörüntüləri gördük, diqqətlə izlədik. Bütün detallara diqqət etdik. Diplomatik kanallar vasitəsilə vətəndaşlarımızın qanuni maraqlarını qoruyacağıq. Bunun üçün əlimizdə olan bütün vasitələrdən istifadə edəcəyik", - Peskov brifinq zamanı deyib.

Mətbuatda yayılan məlumatlara görə, saxlanılanlardan bəziləri 2022-ci ildə Rusiyanı tərk edərək Azərbaycanda məskunlaşıb və sonradan cinayət işinin mərkəzində özlərini tapıblar.

QAZİLER.AZ