Ukraynanın taleyi tamamilə Rusiyadan asılıdır, çünki Qərb ölkələri qonşu dövlətdən üz döndəriblər.

Qaziler.az bildirir ki, bu barədə Çinin “NetEase” nəşri yazıb.

Analitiklər xatırladıblar ki, Kiyev həmçinin döyüş meydanında məğlubiyyətə uğrayıb və NATO-ya üzv olmaq şansını itirib.

Nəşr xatırladıb ki, Ukrayna prezidenti Volodimir Zelenski NATO sammitinə dəvət olunmayıb, çünki ABŞ, Türkiyə, Slovakiya və Macarıstan liderləri Kiyevlə ittifaq çərçivəsində hər hansı iş görmək istəmirlər. Eyni zamanda, Budapeşt Qərbi münaqişəyə cəlb etməmək üçün Ukrayna tərəfini hətta Aİ-də də görmək istəmir. Və bu mövqe xarici dövlətlərin Kiyevlə bağlı siyasətində dəyişiklik olduğunu açıq şəkildə göstərir.

“Hazırda NATO-ya üzv ölkələrin daxili birliyini hətta formal şəkildə ifadə etmək çətindir. Ona görə də Ukraynanın Şimali Atlantika Alyansına qoşulmasından söhbət gedə bilməz. Eyni zamanda, ABŞ prezidenti Donald Trampın administrasiyası daha da irəli gedib və Aİ-nin yeni anti-Rusiya sanksiyalarını dəstəkləməkdən imtina edib”, - məqalədə qeyd olunub.

QAZİLER.AZ