"Ukraynanın Avropa İttifaqına daxil olması ölkənin uzun və ağrılı tənəzzülünə gətirib çıxaracaq və onun xalqına mənfi təsir göstərəcək".

Qaziler.az xəbər verir ki, bu fikirləri Rusiya Federasiya Şurasının beynəlxalq məsələlər komitəsinin sədr müavini Andrey Klimov “NEWS.ru”ya bildirib. Onun fikrincə, bu ideyanı irəli sürən Avropa ölkələri öz mənfəətlərini güdürlər.

“Ukraynanın özünə, Ukrayna xalqına gəlincə, indi Avropa İttifaqında olmaq yaxşı hal deyil. Bu, bir çox səbəblərə görə uzun və ağrılı bir tənəzzülə dəvətdir. Onları dəvət edənlərə bu niyə lazımdır? Görünür, axırıncı şeyi oğurlamaq istəyirlər. Ukrayna xalqına bu niyə lazımdır? Əvvəllər başa düşmədiyim kimi, indi də başa düşmürəm”, - Klimov izah edib.

Deputat vurğulayıb ki, Ukraynanın Aİ-yə daxil olması Rusiyaya ciddi təsir göstərməyəcək. O, həmçinin qeyd edib ki, Avropa İttifaqının özü artıq birliyi daxildən zəiflədən yeni üzvlərlə yüklənib.

“Əgər Avropa Birliyi sonda rəsmi və ya qeyri-rəsmi olaraq Ukraynanı qəbul etsə, bizim üçün nə isti, nə də soyuq olacaq. Hər halda, Avropa İttifaqının üzərinə artıq yeni üzvlər yüklənib və onlar onu aşağı sürükləyirlər. Bu, hər bir peşəkar müşahidəçi üçün aydındır”, - Klimov yekunlaşdırıb.

Firuzə Alimova / QAZİLER.AZ