Azərbaycanın xarici işlər naziri Ceyhun Bayramov Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi Kaya Kallası qarşılayıb.
Bu barədə Xarici İşlər Nazirliyinin “X” hesabında paylaşım edilib.
Tərəflər arasında ikitərəfli görüş başlayıb.
Görüşdə Azərbaycan-Aİ ikitərəfli münasibətləri və regional təhlükəsizlik məsələləri əsas müzakirə mövzularıdır.
Tərəflər qarşılıqlı maraqlar və anlayışa əsaslanan balanslı dialoqun qorunub saxlanmasının vacibliyini vurğulayıblar.
