ABŞ Prezidenti Donald Trampın administrasiyası Rusiya və Çin də daxil olmaqla ən böyük bazar oyunçularına təsir etmək üçün qlobal ticarətdə iştirak edən əksər ölkələrə qarşı tariflər tətbiq edir.

Qaziler.az xəbər verir ki, bu fikirləri politoloq Artemiy Atamanenko “FederalPress”ə müsahibəsində deyib. Onun sözlərinə görə, rüsumlar həm də Rusiya ilə Çin arasında əməkdaşlığa mane olmaq məqsədi daşıyır.

“Dünya siyasətində Rusiya və Çin arasında aktiv əməkdaşlıq Tramp və ABŞ üçün faydalı deyil. Ona görə də Tramp və onun administrasiyasının hazırda atdığı addımlar bu kommunikasiya imkanlarını pozmağa yönəlib”, - ekspert izah edib.

Politoloq qeyd edib ki, Tramp ABŞ-ni dünya nizamının mərkəzinə qaytarmağa və mövcud beynəlxalq münasibətləri yenidən balanslaşdırmağa çalışır: “Tariflər Rusiya və Çinin bir-biri ilə deyil, ABŞ ilə əməkdaşlığını daha sərfəli etmək məqsədi daşıyır”, - Atamanenko əlavə edib.

QAZİLER.AZ