“Ermənistan sülh adı altıdna oyun oynamağa son qoymalı, sözdə deyil, əməli baxımdan sülhün bərqərar olması üçün addımlar atmalıdır”.

QAZİLER.AZ  xəbər verir ki, bunu Moderator.az-a açıqlamasında millət vəkili Asim Mollazadə bildirib. Millət vəkili qeyd edib ki, Ermənistanın sülhdən danışmaqla yanaşı, həm də təxribatlarını davam etdirməsi, İrəvanın revanşist niyyətlərindən xəbər verir:

“Ermənistanın artan təxribatları sübut edir ki, İrəvanın sülh haqqında dedikləri cəfəngiyyatdır və Paşinyan rejimi daha çox revanş haqqında düşünür. Ancaq Ermənistan bilməlidir ki, belə bir addım onun üçün son dərəcə ağır və geridönüşü mümkün olmayan nəticələrə səbəb ola bilər. Söhbət Ermənistanın bir dövlət kimi mövcudluğunun sual altına düşə biləcəyindən gedir.

İrəvan bu ehtimalı əsla yaddan çıxarmamalıdır. Bilməlidir ki, revanşist niyyətlərdən əl çəkmək ilk növbədə onun öz maraqlarına uyğundur. Əgər İrəvan Ermənistanı bir dövlət kimi xilas etmək istəyirsə, o zaman təxribatlara son qoymağın vacibliyini anlamalıdır”.