Ötən il ərzində Suriyadan Azərbaycana gətirilmiş 31 repatriantla görüşlər keçirilib.

Bunu "Report"a müsahibəsində Azərbaycanın İnsan Hüquqları üzrə Müvəkkili (Ombudsman) Səbinə Əliyeva deyib.

Onun sözlərinə görə, görüşlərdə repatriantların ümumi və psixoloji durumu qiymətləndirilib, problemləri və ehtiyacları öyrənilib:

"Ötən il görüş keçirilən 31 repatriantın yerləşdirildikləri müəssisədə həyata keçirilmiş reabilitasiya tədbirləri barədə məlumatlar əldə edilib, hüquqlarının müdafiəsi istiqamətində zəruri tədbirlər görülüb. Repatriantlara Ombudsmanın fəaliyyəti, ona müraciət imkanları barədə məlumat verilib".

S.Əliyeva qeyd edib ki, prosesin başladığı dövrdən 2024-cü ilin sonuna qədər ümumilikdə Suriyadan repatriasiya edilmiş 74 Azərbaycan vətəndaşı ilə görüş keçirilib:

"Onlardan 57-si uşaq, 17-si qadın olub. Həmin şəxslərin hüquqlarının təmini vəziyyəti öyrənilib".

Müsahibənin tam mətni ilə buradan tanış ola bilərsiniz.