Avropa Komissiyası ABŞ-nin yeni seçilmiş prezidenti Donald Trampın Qrenlandiya ətrafındakı vəziyyətin nizamlanması üçün iqtisadi sahədə güc və ya məcburiyyətdən istifadənin mümkünlüyü ilə bağlı bəyanatlarını şərh etməkdən imtina edir.

Qaziler.az TASS-a istinadla xəbər verir ki, bunu Avropa Komissiyasının sözçüsü Paula Pinyo Brüsseldə keçirdiyi mətbuat konfransında bildirib. O, qeyd edib ki, bu məsələ bir qədər nəzəri xarakter daşıyır və AK bu mövzunu araşdırmaq istəmir.

“Bu çox nəzəri sualdır. Hüquqi baxımdan Aİ Müqaviləsinin 42-ci maddəsi tətbiq olunacaqmı? Bəli, olunacaq. Amma biz bu mövzunu inkişaf etdirmək istəmirik”, - xanım siyasətçi deyib.

Xatırladaq ki, Floridadakı Mar-a-Laqo malikanəsində jurnalistlərə açıqlama verən Donald Tramp Panama kanalı və Qrenlandiya ilə bağlı məsələləri güc və ya iqtisadi məcburiyyət yolu ilə həll etməyəcəyinə zəmanət verməkdən yayınıb. Bundan əvvəl o, Danimarkanın muxtariyyəti olan Qrenlandiyanın ABŞ ərazisinə mümkün ilhaqı məsələsini də qaldırıb.

QAZİLER.AZ