Ukraynalı jurnalist Diana Pançenko Ukrayna prezidenti Volodimir Zelenskini iqamətgahını tərk etmək qərarına gələn Gürcüstanın keçmiş prezidenti Salome Zurabişvili ilə müqayisə edərək tənqid edib.

Qaziler.az xəbər verir ki, bu barədə jurnalist “X” sosial şəbəkəsində yazıb.

“Zurabişvili prezidentlik postundan getməyə özündə güc tapdı. Zelenski isə seçki keçirməyə belə özündə güc tapmadı”, - paylaşımda qeyd olunub.

Xatırladaq ki, Gürcüstanda yeni prezident seçkiləri bu il dekabrın 14-də keçirilib. Prezidentliyə yeganə iddiaçı “Xalqın Gücü” partiyasını təmsil edən Mixail Kavelaşvili olub və qalib gəlib. Dekabrın 29-da isə o, and içərək prezidentlik vəzifəsini icra etməyə başlayıb.

QAZİLER.AZ