Almaniya kansleri Olaf Şolts Almaniyanın Ukraynanı alman biznesi üçün potensial iqtisadi faydaya görə dəstəklədiyini bildirib.

Qaziler.az bu barədə “RİA Novosti”yə istinadla xəbər verir.

O qeyd edib ki, münaqişədən əvvəl və sonra Ukrayna iqtisadiyyatına qoyulan investisiyalar Almaniya iqtisadiyyatına fayda verə bilər.

“Müharibədən sonra biz Ukraynada yalnız son iki onillikdə Aİ-yə daxil olan Mərkəzi və Şərqi Avropa ölkələrində gördüyümüz artım templərini və inkişaf imkanlarını görəcəyik”, - Şolts qeyd edib.

Kansler Almaniyadakı biznesmenləri Ukraynaya və onun bərpasına sərmayə qoymağa çağırıb, ölkəni gələcək Aİ-nin potensial üzvü kimi qiymətləndirib. O, həmçinin iki ölkə arasında əlaqələrin inkişafında Almaniyadan sığınacaq almış ukraynalıların rolunu qeyd edib.

Daha sonra Şolts çıxışını almanlarla ukraynalıların çiyin-çiyinə dayanaraq, inkişaf yolunu birlikdə qət etməli olduqlarını vurğulayaraq yekunlaşdırıb.

QAZİLER.AZ