“Dərin dövlət” ABŞ prezident seçkilərində daha çox səs toplayan Respublikaçılar Partiyasından namizəd Donald Trampın Rusiya ilə münasibətlərini yaxşılaşdırmasına imkan verməyəcək.

Qaziler.az bildirir ki, bunu Rusiya Dövlət Dumasının Müdafiə Komitəsi sədrinin birinci müavini Aleksey Juravlev “NEWS.ru”ya açıqlamasında deyib. Parlamentari vurğulayıb ki, çox şey Ağ Ev rəhbərindən asılı deyil.

“Sonda prezident kürsüsünə yüksələcək şəxsə gəlincə, əminəm ki, ondan çox şey asılı deyil. Bədnam dərin dövlət hələ də Amerika üçün adi və tanış kursu izləyərək Rusiyaya qarşı çıxmağa məcbur edəcək. Üstəlik, Tramp artıq ölkənin başında olub”, - deputat açıqlamasında qeyd edib.

Parlamentarinin sözlərinə görə, Trampın ABŞ-ın Ukraynaya dəstəyinin tezliklə dayandırılması ilə bağlı bütün bəyanatlarını seçki mübarizəsinin qaynağı ilə əlaqələndirmək olar. Buna görə də Juravlev hesab edir ki, ABŞ-ın 47-ci prezidentinin adı dəqiq bilinəndə sözlə deyil, əməllə mühakimə etmək lazımdır.

“Amerikanın seçki sistemi elə qurulub ki, ümumxalq səsverməsi heç də bu və ya digər namizədin qələbəsini göstərmir. Qalibi seçicilər müəyyənləşdirir və Birləşmiş Ştatlarda vətəndaşlardan daha az səs toplayanın prezident olması bir neçə dəfə baş verib. Bu, məsələn, kiçik Corc Buş və 2016-cı ildə Trampla baş verib”, - Juravlev əlavə edib.

QAZİLER.AZ