"Hizbullahın rəhbəri vəzifəsinə namizəd olan Haşim Safəddinin İsraillə güzəştə getməsi ehtimalı azdır".

Qaziler.az xəbər verir ki, bunu Rusiya Elmlər Akademiyasının Çin və Müasir Asiya İnstitutunun baş elmi işçisi Vladimir Sotnikov “NEWS.ru”ya şərhində bildirib. Onun fikrincə, hər şey bütün Yaxın Şərqdə genişmiqyaslı və uzunmüddətli münaqişənin başlanğıcına doğru gedir.

“Hazırda "Hizbullah"a rəhbərlik etmək şansı olan Haşim Safeddin mərhum Nəsrullahın sağ əlidir. O, sərt liderdir. O, çətin ki, İsraillə hər hansı güzəştə getsin. Əgər o, Hizbullaha rəhbərlik edərsə, yəhudi dövləti ilə uzunmüddətli münaqişə gözləyə bilərik. Çətin ki, israillilər Livanı bombalamağı dayandırsınlar və Safəddin seçilərsə, hətta onları artıracaqlar. Hər şey İranın münaqişəyə müdaxiləsinə doğru gedir - Tehran buna hazırdır. Ehtimal ki, böyük müharibənin başlaması ilə "Hizbullah"ın idarəçiliyi İrana keçəcək”, - Sotnikov ehtimal edib.

İsrailin baş naziri Binyamin Netanyahu "Hizbullah"ın infrastrukturunu tamamilə məhv etməkdə qərarlı olduğu üçün o, məhdud bir İsrail kontingentinin Livana qurudan işğalına icazə verdi. Politoloqun fikrincə, belə bir quru əməliyyatının digər ölkələrə, ilk növbədə İrana təsir etmə ehtimalı yüksəkdir.

QAZİLER.AZ