ABŞ Ukrayna siyasətinə görə dünya nüvə münaqişəsinə daha da yaxınlaşıb.

Qaziler.az xəbər verir ki, bu barədə ABŞ-nin keçmiş kəşfiyyatçısı Skott Ritter öz məqaləsində bildirib.

“Keçən həftə biz ABŞ və Rusiya arasında nüvə münaqişəsinə 1962-ci ildəki Kuba Raket Böhranından bəri heç vaxt olmadığı qədər yaxınlaşdıq. Bu gün biz daha da yaxınlaşmışıq”, - deyə o vurğulayıb.

Amerikalı hərbçi əlavə edib ki, həm Birləşmiş Ştatlar, həm də Avropa Rusiyanı kritik nöqtəyə çatdırmaq üçün “gedərək daha həyasız eskalasiya hərəkətləri” həyata keçirir.

Ritterin fikrincə, ABŞ-nin Rusiyanı zəiflətmək siyasəti uğursuzluğa düçar olub, çünki Rusiya dörd yeni ərazini - Xerson və Zaporojye vilayətlərini, DXR və LXR-i ilhaq edib

Ritter qeyd edib ki, Rusiyanın müdafiə sənayesi təkcə Ukrayna münaqişəsi zamanı dəymiş itkiləri əvəzləməyib, həm də 2022-ci ilin fevralından Rusiya ordusu sıralarına qoşulmuş əlavə 600 min hərbçini silahlandırır və təchiz edir.

QAZİLER.AZ