Qətərin xarici işlər naziri Məhəmməd bin Əbdülrəhman Əl Tani İranı Qəzza zolağında atəşkəsin əldə edilməsi səylərində konstruktiv rol oynaya biləcək “məsuliyyətli qurum” kimi xarakterizə edib.

Qaziler.az xəbər verir ki, bu haqda “Tasnim” məlumat yayıb.

Avqustun 26-sı Tehranda İran prezidenti Məsud Pezeşkian ilə görüşdə Əl Tani ölkəsinin İranla "qardaşlıq və strateji" əlaqələrin inkişafına böyük əhəmiyyət verdiyini bildirib. Qətərin Qəzzada atəşkəsin yaradılması səylərinə sadiqliyini təsdiqləyən xarici işlər naziri deyib ki, Doha həmişə “ehtiyatlı və məsuliyyətli” bir qurum kimi İranın konstruktiv rolunu səbirsizliklə gözləyir.

İran prezidenti də öz növbəsində Tehran və Doha arasında siyasi əlaqələrin üstün səviyyəsini yüksək qiymətləndirərək, ikitərəfli əlaqələrin bütün sahələrdə genişləndirilməsinin vacibliyini vurğulayıb.

Pezeşkian Qətərin Qəzzada atəşkəs yaratmaq səylərini də yüksək qiymətləndirib və Qəzzadakı vəziyyətə susduğuna görə Qərbi kəskin tənqid edib.

QAZİLER.AZ