Rusiya lideri Vladimir Putin Gülüstan sarayında keçirilən dövlət ziyafətindən sonra azərbaycanlı həmkarı İlham Əliyevlə vidalaşıb.

Qaziler.az xəbər verir ki, bu barədə TASS məlumat yayıb.

Məlumatda qeyd olunub ki, Azərbaycan prezidenti İlham Əliyev Vladimir Putini “Arus” avtomobilinə qədər müşayiət edib, daha sonra liderlər qucaqlaşıblar.

“Tezliklə görüşənədək”, - Əliyev deyib.

Qeyd edilib ki, Rusiya prezidenti Vladimir Putin Azərbaycana ikigünlük dövlət səfərinə gəlib. O, ölkə prezidenti İlham Əliyevlə dar və geniş tərkibdə görüş keçirib. Danışıqlarda liderlər iqtisadiyyat, elm, əhalinin mühafizəsi, ekologiya sahələrində ölkələrin qarşılıqlı fəaliyyətini müzakirə ediblər. Səfər zamanı bir sıra sənədlər imzalanıb.

QAZİLER.AZ