Rusiya prezidentinin mətbuat katibi Dmitri Peskov İsrailin baş naziri Benyamin Netanyahunun Yaxın Şərqdə NATO-ya bənzər alyans yaratmaq təklifini şərh edib.

Qaziler.az bu barədə “RİA-Novosti”yə istinadla xəbər verir.

“Biz belə bir təşəbbüsün təfərrüatlarını başa düşməliyik. Bu hansı ölkələrin ittifaqıdır? Fakt budur ki, NATO-nun tamamilə açıq şəkildə qarşıdurma oriyentasiyası var... Bizə Yaxın Şərqdə qarşıdurma mexanizmləri lazımdırmı? Düşünmürəm... Ancaq bir şeyə yekun vurmazdan əvvəl cənab Netanyahunun əsaslandırmasının təfərrüatlarını başa düşməliyik”, - Kremlin sözçüsü bildirib.

İyulun 24-də ABŞ Konqresində çıxış edən Netanyahu deyib ki, ABŞ və İsrail İrandan gələn “təhdid”ə qarşı NATO kimi ittifaq yaratmalıdır.

QAZİLER.AZ