Macarıstanın baş naziri Viktor Orbanın Moskvaya səfəri Ukrayna və Rusiya arasında gələcək sülh yolu ilə nizamlanma üçün məkik (vasitəçi) diplomatiyası aktıdır.

Qaziler.az xəbər verir ki, bu barədə rusiyalı politoloq Rostislav İşçenko “NEWS.ru”ya bildirib. Onun fikrincə, ABŞ prezidentliyinə namizədliyini irəli sürən Donald Tramp bundan yararlana bilər.

“Orban məkik diplomatiyasının bir hissəsi olaraq Kiyevə, sonra isə Moskvaya gəldi, çox güman ki, hansı kompromislərin əldə edilə biləcəyi barədə məlumat toplamaq üçün... Yəni ölkələr hansı məqamlarda təslim ola bilər? Düşünürəm ki, bütün bunlar Trampın vəzifəyə başlamazdan əvvəl həyata keçirəcəyini vəd etdiyi gələcək sülhməramlı təşəbbüslərə yönəlib”, - İşçenko bildirib.

Ekspert hesab edir ki, Macarıstanın baş naziri nə Putinə, nə də Ukrayna prezidenti Volodimir Zelenskiyə maraqlı heç nə təklif etməyib. Budapeştin lobbiçilik etdiyi ilkin şərtsiz atəşkəs heç bir tərəfə yaraşmayacaq.

Qeyd edilib ki, Rusiya prezidenti ilə görüşdən sonra Orban bildirib ki, o, Moskva və Kiyevin Ukraynadakı münaqişə ilə bağlı mövqelərinin nə qədər fərqli olduğunu anlayıb. Onun sözlərinə görə, sülhün yaxınlaşması üçün hələ çox iş görülməlidir. Baş nazir münaqişənin həlli istiqamətində səylərini davam etdirəcəyini vurğulayıb.

QAZİLER.AZ