NATO-nun baş katibi Yens Stoltenberq cəbhədəki vəziyyəti və Ukrayna Silahlı Qüvvələrinin döyüş qabiliyyətini qiymətləndirmək üçün Kiyevə gözlənilməz səfərə gəlib.

Qaziler.az xəbər verir ki, bunu hərbi ekspert Anatoli Matviyçuk “NEWS.ru”ya bildirib. Onun sözlərinə görə, Qərb Ukraynanın qələbəsinə inanmır, ancaq hərbi münaqişəni mümkün qədər uzatmağa çalışır.

“NATO vəziyyəti ayıq şəkildə qiymətləndirir, xüsusən də son günlər bir neçə yaşayış məntəqəsinin Rusiyanın nəzarətinə keçdiyi vaxtda. Onlar real vəziyyətə baxmaq və Ukraynanın döyüş qabiliyyətini qiymətləndirmək üçün gəliblər. NATO yaxın gələcəkdə onları nə gözləyə biləcəyini bilməlidir. Stoltenberq, təbii ki, Ukraynanın qalib gəlməyəcəyini etiraf edir. Onlar indi bütün bunların necə gecikdiriləcəyini görmək istəyirlər”, - Matviyçuk bildirib.

Hərbi ekspert vurğulayıb ki, NATO Rusiya ilə genişmiqyaslı müharibəyə hazır deyil. Onun fikrincə, Qərb çoxdan Ukraynadan xətt çəkib. Lakin Şimali Atlantika Alyansının həyata keçirdiyi əsas məqsəd Rusiya ordusunu mümkün qədər zəiflətməkdir.

QAZİLER.AZ