Ermənistanın baş naziri Nikol Paşinyan Fransaya ikigünlük işgüzar səfərə gedib.
“Report” xəbər verir ki, bu barədə Ermənistan KİV-ləri məlumat yayıb.
Qeyri-rəsmi xarakter daşıyan səfər iki gün davam edəcək.
Məlumata görə, N.Paşinyan Fransa müqavimət hərəkatının erməni əsilli döyüşçüsü Misak Manuşyanın təkrar dəfn mərasimində iştirak edəcək.
Qeyd edək ki, Fransa Prezidenti Emmanuel Makron 2023-cü ilin iyulunda N.Paşinyanı ölkəsinə dəvət etmişdi.
