Azərbaycanın Almaniyadakı səfiri Nəsimi Ağayev martın altısında Berlində keçirilməsi planlaşdırılan “Dağlıq Qarabağın nəsli kəsilməkdə olan mədəni dəyərlərinin qorunması” adlı tədbirlə bağlı etirazını bildirib və bunun yalançı erməni təbliğatı olacağını qeyd edib.
Bu barədə diplomat “X” sosial şəbəkəsindəki səhifəsində yazıb.
N. Ağayev vurğulayıb ki, belə tədbirlərin keçirilməsi məqsədəuyğun deyil, çünki təşkilatçılar “Ermənistan tərəfindən Qarabağda Azərbaycan irsinin məhv edilməsinə” diqqət yetirməyiblər.
