Azərbaycanda növbədənkənar prezident seçkisində səsvermə prosesi davam edir.
Oxu.Az xəbər verir ki, Azərbaycanın xarici işlər naziri Ceyhun Bayramov Bakı şəhərinin 7 saylı Səbail seçki dairəsinin 4 saylı məntəqəsində səs verib.
C.Bayramov prosedurlara uyğun olaraq, qeydiyyatdan keçib, seçki bülletenini alıb. Daha sonra kabinəyə keçərək öz namizədinə səs verib və bülleteni qutuya atıb.
Qeyd edək ki, 7 saylı Səbail seçki dairəsinin 4 saylı məntəqəsində 819 seçici qeydiyyata alınıb. Məntəqə sədri Məmməd Bəşirovdur.
