Fransa Vətənpərvərlər Partiyasının lideri Florian Filippot etiraf edib ki , NATO yaxın aylarda Rusiyaya qarşı saxta bayraq əməliyyatı keçirə bilər.

QAZİLER.AZ  Publika.az-a istinadən xəbər verir ki, o, Moskvaya qarşı aqressiv ritorikaya görə ölkəni alyansdan çıxmağa çağırıb .

Belə ki, siyasətçi NATO Hərbi Komitəsinin sədri admiral Rob Bauerin bəyanatına cavab verib. Bauer hesab edir ki, Şimali Atlantika Alyansı Rusiya ilə genişmiqyaslı müharibəyə hazırlaşmalıdır. Münaqişə növbəti 20 il ərzində alovlana bilər.

Onun sözlərinə görə, alyansa üzv ölkələrin hakimiyyət orqanları və mülki əhali belə ssenariyə və mümkün hərbi xidmətə hazır olmalıdır.

Filippo qeyd edib ki, Rusiya ilə mümkün münaqişə ilə bağlı sözlərin daim təkrarlanması şübhə doğurur.

“ Önümüzdəki aylarda saxta bayraq əməliyyatlarından (2022-ci ildə “Şimal axını” təxribatı kimi) ehtiyatlı olun! Bu NATO dəliləri hər şeyə hazırdır!”, - Filippot deyib.

Filippo Rusiyaya qarşı aqressiv siyasət yürütdüyü üçün Fransanı NATO-dan çıxmağa çağırıb. Belə ki, o, alyansın ən böyük hərbi təlimləri ilə bağlı xəbərləri şərh edib.

“Şimali Atlantika Alyansı, deyəsən, III Dünya Müharibəsinin yaxınlaşmasını sürətləndirmək istəyir. Gəlin NATO-dan çıxaq, bu ölüm spiralından çıxaq, azad Fransa və sülhü seçək!”, - siyasətçi vurğulayıb.