Biz Ukraynanı dəstəkləməyə və yüzlərlə hava hücumundan müdafiə raketləri verməyə davam edəcəyik.

QAZİLER.AZ  Publika.az-a istinadən xəbər verir ki, bu sözləri Böyük Britaniyanın müdafiə naziri Qrant Şapps “X” sosial media hesabında etdiyi paylaşımda bildirib.

“Bu məqsədlə biz bu gün Rusiya pilotsuz təyyarələrini və raketlərini heyrətamiz dəqiqliklə vura bilən yüzlərlə hava hücumundan müdafiə raketini göndəririk. Bu da Britaniyanın daha əvvəl Ukraynaya tədarük edilmiş hava hücumundan müdafiə sistemlərini təchizatından ibarətdir” , - deyə paylaşımda qeyd olunub.

Qeyd edək ki, Rusiya daha əvvəl Ukraynaya silah göndərilməsinə görə NATO ölkələrinə etiraz notası göndərib. Xarici işlər naziri Sergey Lavrov Ukrayna üçün silah daşıyan bütün yüklərin Rusiya üçün qanuni hədəf olduğunu açıqlayıb. Lavrov qeyd edib ki, ABŞ və digər NATO ölkələri Ukraynadakı münaqişədə bilavasitə silah daşımaları və ukraynalı əsgərlərin təlimində iştirak ediblər.

Rusiya Xarici İşlər Nazirliyinin bəyanatında Ukraynaya silah verən ölkələrin odla oynadığı bildirilib.