“İsrailin Baş naziri Binyamin Netanyahunun Qəzzada törətdiyi hərbi cinayətləri Hitlerin başçılıq etdiyi nasist rejiminin əməlləri ilə müqayisə etmək olar”.

Qaziler.az “TRT Haber”ə istinadla bildirir ki, bunu Türkiyə prezidenti Rəcəb Tayyib Ərdoğan Ankarada deyib.

"Qəzzada hücumların başlamasından 80 gün keçib. Bu müddət ərzində insanlığın bütün dəyərləri vurulub. Netanyahunun bu gün törətdiyi cinayətlər ilə Hitler arasında 80 il əvvəl baş verən nasist Almaniyası ilə müqayisədə heç bir fərq yoxdur”, - Ərdoğan bildirib.

Türkiyə prezidenti yenidən Qərbi Qəzza faciəsi fonunda fəaliyyətsizlikdə ittiham edib: “Almaniya hələ də Hitlerin etdiklərinin əvəzini ödəyir, ona görə də susur, Qərbin İsrailə borcu var, Türkiyənin isə yoxdur. Amerika İsrailə hər cür yardım göstərir və bu yardımla İsrail Qəzza sakinlərini öldürür", - Ərdoğan vurğulayıb.

QAZİLER.AZ