“Qazaxıstan Ermənistana hərbi texnika tədarük etməyi planlaşdırmır”.

Qaziler.az bildirir ki, bu barədə “stopfake.kz” portalı ölkənin Müdafiə Nazirliyinə istinadla yazıb.

Departament bəyan edib ki, Astana 2022-ci ildən silah və hərbi texnikanın ixracına qadağaya riayət edir, vətəndaşları və medianı yalnız etibarlı mənbələrə etibar etməyə çağırıb.

“Qazaxıstan silahlarının Ermənistan Respublikasına tədarükü ilə bağlı yayılan məlumatlar reallığa uyğun gəlmir”, - mesajda deyilib.

Qeyd edək ki, politoloq Sergey Markov bildirib ki, Rusiya uzun illər Ermənistana pulsuz silah verib. Lakin İrəvan anti-Rusiya mövqeyi tutaraq Hindistandan silah almağa başlayandan sonra Moskva buna şübhə ilə yanaşaraq Ermənistandan pul alıb. 

QAZİLER.AZ