ABŞ prezidenti Co Baydenin administrasiyası amerikalı diplomatlardan xəbərdarlıq alıb ki, İsrailə dəstək Vaşinqtonun ərəb ölkələri ilə münasibətlərinin pisləşməsinə gətirib çıxaracaq.

QAZİLER.AZ  Publika.az-a istinadən xəbər verir ki, bu barədə CNN yazıb. Telekanalın yazdığına görə, Vaşinqton bununla bütün ərəb nəslinin dəstəyini itirə bilər.

“Biz informasiya sahəsində pis uduzuruq” deyən diplomatlar ABŞ-a qarşı artan qəzəblə bağlı xəbərdarlıq edərək, ərəb dünyasında Vaşinqtonun İsrailə dəstəyinin müharibə cinayəti kimi qiymətləndirilə biləcəyini vurğulayıblar.

Bundan əlavə, Amerikanın Qahirədəki səfirliyi Misir dövlət qəzetində yer alan yazını Vaşinqtona göndərib. Qəzetdə yazılıb ki, Baydenin “qəddarlığı və fələstinlilərə etinasızlığı ABŞ-ın bütün əvvəlki prezidentlərini üstələyib”.