İsveç Türkiyəyə Ankaranın terrorçu elan etdiyi təşkilatları dəstəkləməyəcəyinə və Avropaya inteqrasiya məsələsində ona hər cür köməklik göstərəcəyinə söz verib.

“Report” xəbər verir ki, bu barədə “Haber Global” iki ölkənin əldə etdiyi razılaşmaya istinadən məlumat yayıb.

Qeyd olunub ki, bu məsələlərlə bağlı razılaşmaların əldə olunması nəticəsində Türkiyə tərəfi İsveçin NATO-ya qəbulu ilə bağlı protokolun ratifikasiya üçün parlamentə təqdim edilməsinə razılıq verib.

Xatırladaq ki, NATO-nun Baş katibi Yens Stoltenberq Türkiyənin qərarını bazar ertəsi axşam NATO sammiti ərəfəsində Vilnüsdə keçirdiyi mətbuat konfransında açıqlayıb.