QAZİLER.AZ saytı xəbər verir ki, bu ilin payızında Azərbaycanda keçiriləcək parlament seçkilərində 107 saylı Qazax seçki dairəsindən iştirak etmək üçün müraciət edən 1-ci qrup Qarabağ qazisi (əlili) Hacıyev Zaur Namiq oğlunun namizədliyi qeydə alınıb.

İmzatoplama mərhələsini uğurla başa vuran Qarabağ qazisinə Dairə Seçki Komissiyasının bu barədə rəsmi qərarı təqdim olunub.

Qeyd edək ki, Z.Hacıyev 27 sentyabr 1970 ildə Qazax rayonunda doğulub. Azərbaycan Memarlıq və İnşaat Mühəndisləri İnstitutunu bitirib.

Z.Hacıyev 1992-94 cü illərdə Ağdərə-Kəlbəcər istiqamətində erməni işğalçılarına qarşı aparılan döyüşlərdə iştirak edib. 1994-cü ilin fevralında Kəlbəcər uğurunda gedən döyüşdə ağır yaralanıb, 1-ci qrup Qarabağ qazisidir (əlilidir). Qarabağ qazilər birliyinin fəal üzvlərindəndir.
Ailəlidir, 2 övladı var.