Türkün yolu şəhid qanı tökülmüş qədim türk yurdu Şuşadan, Cəbrayıl və Zəngəzurdan keçər.

APA-nın İstanbul müxbirinin verdiyi xəbərə görə, bu barədə Türkiyənin xarici işlər naziri Mövlud Çavuşoğlu Antalya əyalətinin Kəpəz şəhərində çıxışı zamanı bildirib.

O, “Millət İttifaqı”nın namizədi Kamal Kılıçdaroğlunu nəqliyyat layihəsində Azərbaycanın olmamasına görə də tənqid edib: “Bu gün Ermənistan Baş naziri Qarabağ da daxil olmaqla Azərbaycanın ərazi bütövlüyünü tanımağa hazır olduqlarını bildirir. Bəs sənin dərdin nədir, Azərbaycandan nə istəyirsən?”, - diplomat vurğulayıb.

Çavuşoğlu müasir Türkiyənin sadəcə özünün deyil, həm də bütün türk dünyasının maraqlarını qoruduğunu xatırladıb.