"ABŞ Azərbaycanla Ermənistanı barışdırmaq istəyir. Bu Vaşinqtonun 22 ildən sonra ikinci cəhdidir".

Qaziler.az xəbər verir ki, bu fikirlər Atlas Araşdırmalar Mərkəzinin rəhbəri Elxan Şahinoğluna məxsusdur. O, bu barədə  mayın1-i Vaşinqtonda Entoni Blinkenin vasitəçiliyi ilə baş tutan Azərbaycan və Ermənistan XİN başçılarının görüşünü şərh edərkən deyib:

"2001-ci il 3 aprel tarixində ABŞ-ın Florida ştatının Ki-Uest şəhərində ABŞ-ın o zamankı dövlət katibi Kolin Pauellin vasitəçiliyi ilə Azərbaycan və Ermənistan prezidentləri Heydər Əliyev və Robert Köçəryanın birgə görüşü oldu. Danışıqlar intensiv olaraq 4 gün davam etdi və nəticəsiz qaldı. Ermənistan həmin dövrdə özünü müharibənin qalibi saydığından masada Qarabağ məsələsində heç bir addım atmaq istəmirdi. Hazırda rollar dəyişib. İndi məğlub Ermənistanın tələsməyə ehtiyacı var. Vaşinqtonda dövlət katibi Entoni Blinkenin vasitəçiliyi ilə Azərbaycan və Ermənistan xarici işlər nazirləri üçtərəfli müzakirələrə başlayıblar. Nazirlərin görüşündə irəliləyiş əldə edilərsə, Vaşinqton liderlərin görüşünə də ev sahibliyinə iddialı olacaq. Kolin Paulell 2001-ci ildə tərəfləri barışdıra bilmədi, bu dəfə Entoni Blinkendə alınacaqmı? Bu, Ermənistanın sülh sazişi mətnində Azərbaycanın ərazi bütövlüyünü və Qarabağı Azərbaycan ərazisi kimi tanımasına hazır olmasından asılıdır".

QAZİLER.AZ