"Tehranın Ermənistana verdiyi dəstək fonunda İran Azərbaycan əlaqələrinin normallaşması gözlənilmir".
Qaziler.az bildirir ki, bu barədə politoloq Məhəmməd Əsədullazadə öz feysbuq hesabında yazıb.
Azərbaycan və İran arasında gələcək münasibətlərə toxunan politoloq yazıb:
"Ermənistan İran arasında hərbi-müdafiə və təhlükəsizlik sahəsində əməkdaşlıq sazişi bağlanıb.
Ermənistan və İran arasında hərbi- müdafiə sahəsində ümumi razılıq və sazişin imzalanması istiqamətində addımlar atılır. Ermənistanın Təhlükəsizlik Şurasının katibi Armen Qriqoryanın İrana səfəri çərçivəsində bu ölkənin Təhlükəsizlik Şurasının katibi Əli Şaxmayi ilə görüşüb. İki ölkənin Təhlükəsizlik şurası katibliyi səviyəsində aparılan danışıqlarda Zəngəzur dəhlizi və Tehranın Ermənistana hərbi yardımı müzakirə edilib.
İranın Təhlükəsizlik Şurasının katibi birbaşa İranın ali dini rəhbəri S. Ə. Xamneiyə tabe olmasını nəzərə alsaq, demək birbaşa Azərbaycan əleyhinə və Ermənistanla hərbi-müdafə və təhlükəsizlik sahəsində əməşdaşlığın inkişaf etdirilməsi birbaşa S. Ə. Xamnei tərəfindən göstəriş verilib. İran Ermənistan arasında hərbi müdafiə və Təhlükəsizlik sahəsində memorandumların imzalanması, bu ölkədə İran SEPAH fəaliyyətinə icazə verilməsi gözlənilir. Tehranın əsas planı Ermənistanı Azərbaycanla sülh müqviləsinin imzalanmasından yayındırmaqdır.
Qeyd edim ki, Ermənistanın bu siyasəti ABŞ Cənubi Qafqazda regional siyasətinə ziddir. Yerevanın bu siyasəti İranın Cənubi Qafqazda geosiyasi mövqeyinin güclənməsinə xidmət edir".
Ermənistan və İran əlaqələrinin regionda sülhü təhdid etdiyini vurğulayan M.Əsədullazadə: "Ötən ay ABŞ dövlət katibi Entoni Blinkenin Kongrensdə xarici əlaqələr komitəsində Cənubi Qafqazda İranın artan təzyiqlərinin qarşısını almaq və İranla Azərbaycan sərhəddinin uzunluğuna görə Azərbaycanı müdafiə etməyin lazımlı olduğunu vurğulamışdı. Belə olan təqdirdə ABŞ -ın dəstək verdiyi Ermənistan hakimiyyəti isə, İranı Azərbaycana qarşı fəaliyyətə keçməyə və regionda aktivləşdirmək üçün sazişlər imzalayır. Rəsmi Bakı bu konteksdə Vaşinqtona çağrışlar etməli, Ermənistan və İran əlaqələrinin regionda sülhü təhdid etməsinə və ABŞ-ın regional siyasətinə qarşı olduğunu vurğulamalıdır.
Qeyd edim ki, İranın xarici işlər naziri ilə Azərbaycanın xarici işlər naziri iki gün ərzində telefon danışıqları aparıb. İki tərəfli danışıqlarda münasibətlərin normallaşdırılması və layihələrin icrası razılaşdırılıb. Tehranın Ermənistana verdiyi dəstək fonunda İran Azərbaycan əlaqələrinin normallaşması gözlənilmir", - yazıb.
QAZİLER.AZ
