Qarabağdakı erməni əhali ilə keçirilən görüşün açıqlanan detalları müəyyən sualları da yaratdı: Rusiya sülhməramlılarının “moderator” kimi iştirakı; Xocalıda keçirilən görüşdə bayrağımızın olmaması və s;

Hərçənd, məsul şəxs qismində Milli Məclisin deputatı Ramil Məmmədovun seçilməsi çox şeyi ifadə edir.

Və buradan bir neçə nəticə çıxır::

1. Azərbaycan öz vətəndaşı hesab etdiyi ermənilərlə qanunverici orqan üzərindən təmaslar qurur;

2. Qanunverici orqan üzərindən təmasın qurulması Qarabağdakı erməni əhalisinin nəinki Ermənistanın iddia etdiyi “tərəf” kimi yox, heç icma olaraq da qəbul edilmədiyi deməkdir;

3. Və bu həm də o deməkdir ki, istək və iddialara baxmayaraq, rəsmi Bakı erməni əhalisinin yalnız Azərbaycan qanunvericiliyi çərçivəsində yaşamaq şərtində israrlıdır;

Siyasi şərhçi Asif Nərimanlı

QAZİLER.AZ