"Bu, İranın qapalı ölkə olmasından xəbər verir".

Qaziler.az xəbər verir ki, bu barədə "Atlas Araşdırmalar Mərkəzi"inin rəhbəri Elxan Şahinoğlu yazı paylaşıb. Yazıda qeyd edilib ki, Türkiyə ilə yanaşı İranda da zəlzələ baş verib, lakin İran Türkiyədən fərqli olaraq qonşu ölkələrin yardımını qəbul etməyib:

"İranda zəlzələ baş verdi, qonşu ölkələr – Azərbaycan və Türkiyə yardım təklifi etdilər. Tehran imtina etdi. Halbuki, zəlzələ nəticəsində soyuq havada evsiz və ərzaqsız qalanlar mövcuddur ki, onların yardıma ehtiyacları var. Türkiyədə zəlzələ baş verib, onlarla ölkə, o cümlədən Azərbaycan yardıma tələsib. Türkiyə ilə İranın fərqlərindən biri də budur. İran Türkiyədən kasıb ölkədir və kənar yardıma daha çox ehtiyacı var. Türkiyə isə dünyaya açıq ölkədir, hətta keçmişdə münasibətləri gərgin olan dövlətlərin yardım təklifinə müsbət cavab verib. Çünki zəlzələ bəşəri bir bəladır və dövlətlər, millətlər bir-birlərinə kömək etməlidirlər, sabah başqa ölkədə zəlzələ baş versə, Türkiyə həmin ölkəyə köməyə tələsəcək. Bu bəşəri yanaşma İrandakı rejimə yaddır. Bu, İranın qapalı ölkə olmasından xəbər verir".

QAZİLER.AZ