Türkiyə prezidenti Rəcəb Tayyib Ərdoğan BMT-nin baş katibi Antonio Quterreşlə telefon danışığı aparıb.

Trend-in məlumatına görə, bu barədə Türkiyə Prezident Administrasiyasının Kommunikasiya İdarəsindən bildiriblər.

Məlumata əsasən, Ukrayna böhranının həlli ilə bağlı təşəbbüslər müzakirə olunub.

Türkiyə dövlətinin başçısı qeyd edib ki, Ankara tərəfləri sülh danışıqlarını bərpa etməyə və diplomatiya yolu ilə müharibəyə son qoymağa çağırmaqda davam edir.

R.T.Ərdoğan bildirib ki, qlobal ərzaq böhranının qarşısının alınmasına töhfə verəcək Ukrayna taxılının Qara dəniz vasitəsilə ixracı üçün birgə səylər davam etdirilir.