Türkiyənin rus təyyarələrinə qadağa qoyması... - Rusiya XİN

Türkiyənin rus təyyarələrinə qadağa qoyması... -  Rusiya XİN backend

“Moskva Ankaranın Türkiyə hava məkanını Suriyaya uçan Rusiya təyyarələri üçün bağlamaq qərarını anlayışla qarşılayıb”.

Oxu.Az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova brifinqdə söyləyib.

“Demək istərdim ki, əslində, bir aydan çoxdur ki, Ankara bu marşrutdan istifadə etməmək xahişi ilə Rusiya tərəfinə müraciət edib. Bu müraciətlərin səbəbləri bizə aydın idi və hazırda Rusiya tərəfindən bu marşrutdan istifadə edilmir. Amma hadisə bu günlərdə baş verməyib, bu məsələ təxminən 1 aydır var”, - deyə sözçü vurğulayıb.

Xatırladaq ki, aprelin 23-də Türkiyənin xarici işlər naziri Mövlud Çavuşoğlu rəsmi Ankaranın Türkiyə hava məkanını Suriyaya uçan Rusiyanın mülki və hərbi təyyarələri üçün bağladığını açıqlayıb.

loading...
Diaspora