Ukraynanı haqlı mübarizəsində tək qoydular.

Apa-nın yerli bürosu xəbər verir ki, bunu Türkiyə Prezidenti Rəcəb Tayyib Ərdoğan Antalya Diplomatiya Forumunun açılış mərasimində deyib.

“Böhranın münaqişəyə çevrilməsinə görə, təəssüflənirik. Bu, ən çox bizi məyus etdi. Qonşu ölkənin ərazisinin işğalına göz yuma bilmərik və bunu rədd edirik”, - Ərdoğan vurğulayıb.

O əlavə edib ki, Ukrayna da, Rusiya da Türkiyə üçün dost ölkədir: “Əgər 2014-cü ildə Krımın işğalına səs çıxarsaydılar, bu gün bu mənzərə ilə qarşılaşardıq?! Ukraynaya lazımi dəstəyi vermədilər. Ukraynanı haqlı mübarizəsində tək qoydular və biz indi bunun acı nəticələri ilə qarşı-qarşıyayıq”.