Ərdoğan Təhlükəsizlik Şurasını toplayır: gündəlikdə Qarabağ da var

Ərdoğan Təhlükəsizlik Şurasını toplayır: gündəlikdə Qarabağ da var backend

Bu gün Türkiyə Prezidenti Rəcəb Tayyib Ərdoğanın sədrliyi ilə Milli Təhlükəsizlik Şurasının iclası keçiriləcək.

“TRT Haber” xəbər verir ki, toplantıda ölkə daxilində və xaricdə terrorçuluqla mübarizə sahəsində atılan addımlar və bu sahədəki mövcud durum müzakirə olunacaq.

İclasda həmçinin Qarabağ, Aralıq dənizi, Əfqanıstan və Suriyadakı son vəziyyət nəzərdən keçiriləcək.

Toplantıda Türkiyə kəşfiyyatının terror təşkilatlarının fəaliyyəti ilə bağlı topladığı məxfi məlumatlar müzakirə ediləcək və yeni əməliyyatlara başlanılması barədə fikir mübadiləsi aparılacaq.

Suriyanın şimalındakı terror təşkilatları ilə mübarizəyə xüsusi diqqət ayırılacaq. Həmçinin Aralıq dənizində Yunanıstan və Kiprin yunan hissəsinin təxribatçı hərəkətlərinin qarşısının alınması üçün görüləcək tədbirlər nəzərdən keçiriləcək.

loading...
Diaspora