Türkiyənin İstanbul şəhərində fəaliyyət göstərən Heydər Əliyev adına Azərbaycan məktəbində 27 sentyabr – Anım Gününə həsr olunmuş tədbir keçirilib.
Diasporla İş üzrə Dövlət Komitəsindən Qaziler.az-a verilən məlumata görə, tədbir zamanı bütün siniflərdə şagirdlər “Şəhidlər ölməz!”, “Zəfərin mübarək, Azərbaycan!” şüarlarını nümayiş etdirməklə ölkəmizin ərazi bütövlüyünün bərpa olunması uğrunda qəhrəmanlıqla həlak olmuş şəhidlərimizi ehtiramla anıblar, Azərbaycan xalqına parlaq qələbə yaşadan qazilərimizə minnətdarlıqlarını ifadə ediblər.
