“Ermənistan ordusu atəşkəs rejimini məhz "Qarabağ klanı"nın təsiri altında pozur”

“Ermənistan ordusu atəşkəs rejimini məhz "Qarabağ klanı"nın təsiri altında pozur” backend

"Ermənistanın atəşkəsi pozmasına səbəb ordudakı nizamsızlıqdır. Çünki onların ordusu xüsusilə müharibədən sonra başı pozulmuş quldur dəstəsindən başqa bir şey deyil".

Qazilər.az xəbər verir ki, bunu Pravda.az-a açıqlamasında politoloq Qabil Hüseynli Ermənistanın Azərbaycan Ordusunun mövqelərini son günlər atəşə tutması ilə bağlı danışarkən deyib.

Politoloq bildirib ki, Ermənistanda "Qarabağ klanı"nın orduya təsiri qalmaqdadır: “Ordu atəşkəs rejimini məhz "Qarabağ klanı"nın təsiri altında pozur. İkinci ehtimal isə odur ki, Ermənistan ordusu atəşkəsi pozmaqla erməni cəmiyyətinə sübut edir ki, biz hələ də varıq və lazım gələrsə, döyüşməyə hazırıq. Eyni zamanda, atəşkəsi pozmaqla Azərbaycan xalqına da guya psixoloji təzyiq göstərirlər. Ermənistan ordusu xüsusilə müharibədən sonra başı pozulmuş quldur dəstəsindən başqa bir şey deyil. Təxribat xarakterli bu davranışlar Azərbaycana təsir etmir, o mənada ki, ordumuz 10 noyabr üçtərəfli bəyanatın şərtlərini qoruyur. Ermənistan tərəfinin atəşkəsi pozmasına baxmayaraq, Azərbaycan atəş açmır. Haqlıdır, çünki bəyanatın şərtlərini qorumaq lazımdır. Nəzərə almaq lazımdır ki, hələ Ermənistanla sülh barədə ciddi danışıqlar aparılmayıb. İstənilən halda, Ermənistanın bu cür davranışları onların öz əleyhinə işləyəcək".