Prezident: Azərbaycan və Pakistan qarşıdakı illərdə hərbi əməkdaşlığı genişləndirməlidir

Prezident:  Azərbaycan və Pakistan qarşıdakı illərdə hərbi əməkdaşlığı genişləndirməlidir backend

Azərbaycan Qoşulmama Hərəkatının sədri kimi beynəlxalq hüquq və ədaləti fəal şəkildə müdafiə edir. Mən Bakıda keçirilən sammitdə şəxsən iştirak etdiyinə və Qoşulmama Hərəkatı çərçivəsində bizim təşəbbüsləri dəstəklədiyinə görə Pakistanın Prezidentinə çox minnətdaram.

AZƏRTAC xəbər verir ki, bu barədə Prezident İlham Əliyev Pakistanın Quru Qoşunları komandanı ordu generalı Qamar Caved Bacvanı qəbul edərkən bildirib.

Azərbaycan ilə Pakistan arasında əməkdaşlığın uğurla inkişaf etdiyini vurğulayan dövlətimizin başçısı deyib: “Biz müdafiə və müdafiə sənayesi sahələrində çox yüksək səviyyəli tərəfdaşlıq nümayiş etdiririk. Sizin bizim ölkəmizə səfəriniz bunun daha bir göstəricisidir. Biz Pakistanın müdafiə sənayesi məhsullarına çıxışımız olduğuna görə məmnunuq. Bildiyiniz kimi, biz bu məhsulları alırıq, bu da bizim hərbi potensialımızı gücləndirir. Düşünürəm ki, qarşıdakı illərdə biz hərbi əməkdaşlığımızı genişləndirməli və tərəfdaşlığımızı gücləndirmək üçün birgə hərbi təlim və başqa təşəbbüslər planlaşdırmalıyıq. Əminəm ki, bu və bir çox başqa məsələlər həmkarlarınızla müzakirə mövzuları kimi sizin gündəliyinizdə olacaq”.