ABŞ Suriyanın böyük bir hissəsini mərkəzi hakimiyyətdən qoparmaq və burada kürdlərin dəstəyi ilə muxtar bir qurum yaratmaq istəyir.

Axar.az xəbər verir ki, bu sözləri “Avronyus”a açıqlamasında Rusiyanın Xarici İşlər naziri Sergey Lavrov deyib.

“ABŞ-ın silahlı qüvvələri ilə birlikdə Suriyada sonsuza qədər qalmaq kimi bir strategiyası olduğu anlaşılır. Əvvəllər verilmiş bütün sözlərin əksinə olaraq, İraq və Əfqanıstanda da eyni şeyi etmək istəyirlər. Suriyada daimi qalmaq qərarı verən ABŞ ölkənin böyük bir hissəsini ayırmaq üçün çalışmağa başlayıb. Bunu Suriyanın ərazi bütövlüyü və suverenliyini pozmaq bahasına həyata keçirirlər”, - Lavrov deyib.