Belarus prezidenti Aleksandr Lukaşenko büdcə vəsaitlərinin xərclənməsi ilə bağlı yerli idman rəsmilərinə müraciət edib.

QAZİLER.AZ Publika.az-a istinadən xəbər verir ki, Lukaşenkonun fikirlərini prezidentin mətbuat xidməti yayıb.

“Sizi xəbərdar etmək istəyirəm, uşaqlar. Bu pulların hara getdiyini görmək bu gün problem deyil. Biz də görəcəyik. Amma bir kişi olaraq demək istəyirəm ki, siz yalnız öz pulunuzla ailənizi, sevdiklərinizi, məşuqənizi və başqalarını saxlayın.

Harada istəyirsinizsə, pul qazanın və onlara dəstək olun. Bu, insani, kişilikli və ədalətli sayılacaq. Xüsusi olaraq qeyd etmək istəyirəm: milyardlarla vəsaitə başa gələn idman obyektləri haqda İdman Nazirliyindən hesabat tələb edəcəyik”, – Belarus prezidenti deyib.

Lukaşenko izah edib ki, bu, xüsusən, “Raubiçi” və “Staiki” respublika olimpiya təlim mərkəzləri, “Minsk Arena”, sürətli konkisürmə stadionu, velosiped yolu və digər idman meydançalarına aiddir.