Azərbaycan Demokrat Partiyasının (ADP) sədri Sərdar Cəlaloğlu parlament seçkilərində iştirak etməyəcək. ADP sədri namizədliyini geri götürüb.

QAZÌLER.AZ  Publika.az-a istinaden xəbər verir ki, bu haqda Sərdar Cəlaloğlunun özü bildirib.

Partiya sədri addımını belə əsaslandırıb:

"Mən seçkidə iştirak qərarı verməklə digər müxalifət liderlərinin də prosesə qatılacağını düşünürdüm. Namizədliyimi irəli sürdüm ki, bu bir nümunə olsun. Lakin onlar seçkidə iştirakdan imtina etdilər. Düşündüm ki, təkbaşına nə edəcəm axı. Meydanda tək qaldım. Bu baxımdan, namizədliyimi geri götürmək qərarına gəldim".

Sərdar Cəlaloğlu namizədliyini 3 saylı Babək-Şahbuz-Kəngərli seçki dairəsindən irəli sürmüşdü.

Qeyd edək ki, BQP sədri Fazil Mustafa, ƏHD Partiyasının sədri Qüdrət Həsənquliyev, Klassik Xalq Cəbhəsi Partiyasının sədri Mirmahmud Mirəlioğlu, Milli Cəbhə Partiyasının sədri Razi Nurullayev, ReAL sədri İlqar Məmmədov, AĞ Partiya sədri Tural Abbaslı, Demokratik İslahatlar Partiyasının sədri Asim Mollazadə və s. parlament seçkilərinə qatılıb.