Bolqarıstan Avropa İttifaqının (Aİ) ən bədbəxt ölkəsi kimi tanınıb.

QAZİLER.AZ  Publika.az-a istinadən xəbər verir ki, bunu Avropa Statistika Agentliyinin ("Eurostat") araşdırmasının nəticələri sübut edir.

Meyarlar üzrə qiymətləndirmə 0-10 ballıq şkala əsasında aparılıb.

Məlum olub ki, bolqarlar həyatdan ümumi məmnunluqlarını on baldan altı baldan az qiymətləndiriblər.

Bundan əlavə, almanlar da həyatdan o qədər də razı deyillər, onu 6,5 balla qiymətləndiriblər. Eyni zamanda, onlardan bəziləri narahatlıq və laqeydlikdən şikayət ediblər.

Araşdırmaya görə, ən xoşbəxt insanlar Avstriyada yaşayır və onlar məmnunluq səviyyəsini səkkiz balla qiymətləndiriblər.

Bundan əlavə, Rumıniya, Polşa və Finlandiyada da yüksək göstəricilər qeydə alınıb. Onlar hərəyə 7,7 xal toplayaraq ikinci yeri bölüşüblər.