Avropa İttifaqının (Aİ) Azərbaycandakı Nümayəndəliyinin rəhbəri Peter Mixalko Ağdamda baş verən mina partlayışında həlak olanlarla bağlı başsağlığı verib.

QAZİLER.AZ APA-ya istinadən xəbər verir ki,  diplomatı "Twitter" hesabında paylaşımda yazıb:

“Martın 16-da Ağdamda mina partlayışı xəbəri məni dərindən kədərləndirdi. Həlak olanların ailələrinə dərin hüznlə başsağlığı verirəm. Aİ minalardan təmizləmə işlərində Azərbaycana dəstəyini davam etdirəcək”, - diplomat vurğulayıb.

Qeyd edək ki, martın 16-da Ağdam rayonunun Yusifcanlı kəndi ərazisində minalardan təmizlənməmiş ərazidə mina partlayışı baş verib. Mina partlayışı nəticəsində 1999-cu il təvəllüdlü İsrail İbrahim oğlu Həsənov və 1987-ci il təvəllüdlü Amid Hüseyn oğlu Həsənov həlak olub