“Zeyvə (David bek) kəndinin sakinləri olan ermənilər dovşan kimi ətrafda olan Azərbaycan əsgərlərindən qorxduqlarını bildirirlər və dərhal da rus ordusunu onları qorumaq üçün əraziyə gətiriblər”.

“Yeni Sabah” xəbər verir ki, bunu Azərbaycan Demokratiya və Rifah (ADR) Hərəkatının sədri Qubad İbadoğlu deyib. Hərəkat sədri sual edib: “Bəs, onda Seyidlər, Ağkənd, Qazançı və Günqışlaq kəndinin Azərbaycanlı sakinləri necə yaşamalıdır?

Ən düzgünü Azərbaycan və Ermənistan sərhədlərində Trampın ABŞ-Meksika sərhəddindəki kimi divarlar tikməli, ya da İsraillə Ərəb dövlətlərinin sərhədlərində olduğu kimi məsafədən idarə olunan dəmir qübbə kimi güclü mühafizə sistemləri qurulmalıdır.

Mən ikinciyə üstünlük verirəm. Çünki onu tez qurmaq olar və ikinci daha etibarlıdır”.