Azərbaycan Ordusu hər gün böyük qələbəyə bir az da yaxınlaşır.

Cəbrayılın və Füzulinin ardınca Zəngilan da işğaldan azad olunub. Ermənistan silahlı qüvvələri isə həmlələrə tab gətirə bilmir.

Bizimyol.info xəbər verir ki, “New York Times” nəşrinin reportajı ermənilərin darmadağın edildiyini daha aydın göstərib. ABŞ qəzetinin yazdığına görə, Ermənistan ordusunda nizam-intizam tamamilə pozulub. Əslən rus olan Anton Troyanovski bildirir ki, hər yeri erməni əsgərlərin cəsədlərinin qoxusu bürüyüb. Çünki meyitlər həftələrdir ortada qalıb.

“New York Times” yazır ki, Ermənistan ordusunda əsgər cəsədlərinin hayında deyillər. Çünki Azərbaycan ard-arda sarsıdıcı zərbələr endirir. Troyanovski ermənilər tərəfdən də müşahidə aparıb. Onun qeydlərindən aydın sezilir ki, Ermənistan ordusunun vəziyyəti onu çox pərişan edib.

Troyanovski həmçinin ermənilərin Azərbaycan əhalisini hədəf seçməsindən də yazıb.