Etiraf etmək lazımdır ki, Azərbaycanın ərazi bütövlüyü problemi mövcuddur.

Axar.az xəbər verir ki, bunu erməni kökənli tanınmış rus kinorejissor Karen Şahnazarov “Rusiya 1” telekanalında yayımlanan “Vladimir Solovyovla axşam” verilişinin efirində deyib.

Onun sözlərinə görə, Qarabağ münaqişəsinin hərbi həlli var:

“Tərəflərdən biri tamamilə tükəndiyini və artıq müqavimət göstərə bilməyəcəyini hiss etdikdə müəyyən qərarlar verəcək. Nəzərə almaq lazımdır ki, Azərbaycan çox ciddi hərbi potensiala malikdir. İndi beş rayonu Azərbaycana qaytararaq, bir növ, Dağlıq Qarabağ üzərində Bakı protektoratı yaratmaq lazımdır. Ancaq rəsmi Bakı hərbi yolla təzyiq göstərə biləcəyini hiss edərsə, o zaman heç bir güzəştə getməyəcəklər”.