Ermənistan Qarabağ konfliktinin sülh yolu ilə həllinin tərəfdarı kimi çıxış edir, amma Azərbaycanın güc tətbiqiylə bağlı təhdidlərini qəbul edə bilməz.

Axar.az xəbər verir ki, bunu Ermənistan Xarici İşlər naziri Zöhrab Mnatsakanyan Ermənistan XİN-in mərkəzi aparatı, diplomatik korpuslarının rəhbərləri ilə görüşü zamanı deyib.

Mnatsakanyan Bakını hərbi-siyasi balansı pozmaqda və guya regional stabilliyə təhdid yaratmaqda ittiham edib. Bakını təhdid edən nazir Ermənistan və Qarabağın regionda sülhün tətbiqi üçün yetərli qədər gücünün olduğunu deyib.

Mnatsakanyan bildirib ki, əgər Bakı konfliktin sülh yoluyla həllində maraqlıdırsa, o zaman Qarabağdakı rejimlə danışıqlarda maraqlı olmalıdır.